Напісаць нам 
Наш музей – адзін з партнёраў праекта "Павышэнне прывабнасці трансгранічнага рэгіёну шляхам уключэння этнакультурных рэсурсаў у турыстычную дзейнасць" (акронім – "Вандроўка ў этнаказку")
Праект накіраваны на павышэнне канкурэнтназдольнасці і турыстычнай прывабнасці трансгранічнага рэгіёну праз удасканаленне маркетынга тэрыторыі, стварэнне аб’ектаў турыстычнага прыцягнення на памежных тэрыторыях, уключэнне этнакультурных рэсурсаў і павышэнне кваліфікацыі пастаўшчыкоў турыстычных паслуг.
Для дасягнення пастаўленых мэтаў плануецца правесці шэраг мерапрыемстваў, якія па накіраванасці можна падзяліць на наступныя групы: маркетынгавыя, адукацыйныя, турысцка-прыкладныя.
Змест праекта аднолькава актуальны як для польскага, так і для беларускага боку, таму што трансгранічны рэгіён уключаны ў сферу турыстычнай індустрыі толькі ў апошнія гады, і адносна закрытая доўгі час тэрыторыя праекта не мае дастатковай колькасці інфраструктурных турыстычных аб’ектаў. Адначасова, трансгранічны рэгіён праекта з’яўляецца самабытнай часткай як Беларусі, так і Польшы. Асаблівасці мясцовага фальклору, архітэктуры, народнага побыту, традыцый і звычаяў дазваляе дадзенаму рэгіёну паспяхова канкурыраваць на ўнутраным і знешнім турыстычным рынку.
Тэрмін рэалізацыі праекта – 24 месяцы, пачатак – сакавік 2012 года.
Вядучы партнёр – Гродзенскі дзяржаўны ўніверсітэт імя Янкі Купалы.
Партнёры праекта:
• Сувалкская Агратурыстычная Палата
• Установа культуры “Гудзевіцкі дзяржаўны літаратурна-краязнаўчы музей”
• Дзяржаўная ўстанова адукацыі “Гімназія № 1 імя акадэміка Я.Ф.Карскага г.Гродна”
Вынікамі праекта павінны стаць:
1. Стварэнне і пачатак работы Цэнтра этнакультурнага турызму Гродзенскага дзяржаўнага ўніверсітэта імя Янкі Купалы.
2. У Сувалкскім субрэгіёне будзе створаны новы этнатурыстычны аб’ект – “Вёска казак”.
3. Будзе якасна рэканструяваны этнакультурны турыстычны аб’ект – Гудзевіцкі дзяржаўны літаратурна-краязнаўчы музей.
4. Будзе якасна рэканструяваны этнаграфічны музей Я.Ф.Карскага ў г.Гродна.
5. Будзе створана сістэма перападрыхтоўкі і павышэння кваліфікацыі спецыялістаў турызму ў накірунку этнакультурнага турызму.
6. Будуць створаны анімацыйныя праграмы, этнакультурныя турыстычныя маршруты па трансгранічнаму рэгіёну для далейшага выкарыстання гэтых рэсурсаў у арганізацыі тураў.
7. Будзе створаны сайт этнакультурных рэсурсаў трансгранічнага рэгіёну.
8. Будуць распрацаваны і выдадзены Энцыклапедыя этнакультурных турыстычных рэсурсаў Сувалкскага субрэгіёна і Гродзенскай вобласці.
9. Будзе праведзены цыкл маркетынгавых мерапрыемстваў па рэкламе і прасоўванню этнакультурных аб’ектаў, турпрадпрыемстваў, якія заўмаюцца этнакультурным турызмам, на еўрапейскі турыстычны рынак пад брэндам “Вандроўка ў этнаказку”.
10. Будзе праведзены Фестываль казак, байкаў і легендаў Усходняй Еўропы ( Польша і Беларусь ). Фестываль будзе складацца з двух частак: першая будзе праведзена на польскім баку на аснове “Вёскі казак”, другая частка – беларускім бокам на аснове этнатурыстычных аб’ектаў.
11. Будзе праведзена навукова-практычная канферэнцыя па праблемах этнакультурнага турызму.
12. Будзе створаны Даведнік па этнакультурных аб’ектах турыстычнага інтарэсу трансгранічнага рэгіёна.
1.Установа адукацыі “Гродзенскі дзяржаўны ўніверсітэт імя Янкі Купалы”
Адрас: вул.Ажэшка 22, 230023, г.Гродна
Тэлефоны: прыёмная (0152) 73-19-01,
Факс (0152) 73-19-10, (017) 210-85-99
e-mail
Сайт ГрДУ
2.Сувалкская агратурыстычная палата
Адрас: вул.Касцюшкі 82-7, 16-400, г.Сувалкі, Рэспубліка Польша
Тэлефоны: 87 5665872, 87 5665494
e-mail
Сайт Сувалкскай агратурыстычнай палаты
3.Дзяржаўная ўстанова адукацыі “Гімназія № 1 імя акадэміка Я.Ф.Карскага г.Гродна”
Адрас: пр.Янкі Купалы 82, 230010, г.Гродна
Тэлефон: + 375(152)542252
Факс: (0152)542252
e-mail
Сайт гімназіі
На пачатак старонкі